انتقل للمحتوى

خلّ ضيفك يطلب
من طاولته.

يقرّب جواله من الستاند أو يمسح الباركود، يختار ويرسل، وطلبه يطلع على شاشة موظفينك برقم الطاولة. بدون عمولة على طلباتك.

جرّبها كأنك زبون
ستاند على طاولة كافيه، وعليه باركود الطلب
امسحه بجوالك
  • جرّبها أسبوعين مجاناً
  • بدون التزام بمدة، تلغي متى ما تبي
  • نركّب في جدة

نرد عادةً خلال ساعة على الواتساب، 24 ساعة، 7 أيام بالأسبوع

نوع المحل

اطلب كزبون،
واستلم كمطعم.

اختر مشروبكنجهّز العرض…

محل تجريبي، وطلبك يبقى على جهازك وما يوصل لأي مطعم.

الزبون

الكافيهالمطعماللاونج

العرض يشتغل على نفس الجهاز، فافتح الوجهين جنب بعض. افتح صفحة الزبون لحالها افتح شاشة المطعم لحالها

كيف تشتغل

  1. ستاند على كل طاولة

    على كل طاولة ستاند بشعار محلك ورقمها، فيه شريحة NFC وباركود.

  2. ضيفك يطلب من جواله

    ضيفك يقرّب جواله أو يمسح الباركود، ويطلب أو ينادي النادل. بدون تطبيق ولا تسجيل.

  3. والطلب على شاشتك

    الطلب يطلع على تابلت أو جوال محلك برقم الطاولة، وموظفك يستلمه. والدفع عند الكاشير أو مع النادل مثل العادة.

ضيفك يبغى قهوة ثانية، والنادل مشغول؟

إضافة جنب النادل، مو بديل.

النادل يبقى يخدم ضيوفك، والمنيو الورقي يبقى على الطاولة، والطلب من الجوال لمين يبغاه.

جوال في يد ضيف جنب كوب قهوة على طاولة كافيه، وعلى شاشته سلة طلب لطاولة 7

حسب نوع محلك

  • كافيه جلسات

    ضيفك يعيد طلبه السابق بضغطة، ويختار الحجم والحليب والسكر، والطلب يوصل الباريستا بخياراته.

    جرّب قالب الكافيه
  • مطعم جلسات

    الأكل يروح للمطبخ والمشروبات للبار، والنداءات للنادل: مويه، مناديل، نظّف الطاولة، علبة سفري للباقي.

    جرّب قالب المطعم
  • لاونج

    أزرار الخدمة فوق المنيو: نادِ النادل، اطلب الحساب، ثلج ومويه. والمشروبات تروح للبار.

    جرّب قالب اللاونج

الأسعار

اشتراك شهري حسب عدد طاولاتك. بدون عمولة على طلباتك.

كم طاولة عندك؟

الطلب من الطاولة

لكل فرع، لين 15 طاولة

السعر قريباً

  • الطلب من الجوال ومتابعة حالته
  • نداء النادل وأزرار الخدمة
  • شاشة الطلبات والنداءات برقم الطاولة
  • خيارات الصنف: الحجم والإضافات
  • زر «خلص» يخفي الصنف من المنيو

برو

لكل فرع، لين 15 طاولة

السعر قريباً

  • كل اللي في الطلب من الطاولة
  • ستاند تقييم قوقل
  • صفحة الواي فاي
  • صفحة روابط حساباتك

أكثر من 60 طاولة؟

  • بدون عمولة على طلباتك
  • بدون التزام بمدة، تلغي متى ما تبي
  • جرّبها أسبوعين ببلاش
  • الجهاز (تابلت أو جوال) والإنترنت من عندك

تلغي متى ما تبي، والخدمة توقف آخر الشهر المدفوع. رسوم التأسيس ترجع كاملة لو ألغيت قبل ما نسلمك التأسيس، وبعد التسليم ما ترجع. الستاندات والشرائح ملكنا: نمر ناخذها بدون رسوم داخل جدة، أو تحتفظ فيها بسعر رمزي.

الأسعار نهائية، وما يُضاف عليها ضريبة قيمة مضافة لأننا غير مسجلين فيها حالياً.

اللي مع برو

برو فيه كل اللي في الطلب من الطاولة، ومعه حزمة المحل: ستاند تقييم قوقل، وصفحة الواي فاي، وصفحة روابط حساباتك.

تبغى حزمة المحل لحالها، بدون الطلب من الطاولة؟ 1,211 ريال للسنة الأولى، والتجديد 798 ريال بالسنة، وما يتجدد إلا بتأكيد صريح منك. ومعها منيو إلكتروني نحدّثه مرتين بالشهر، والتحديث الزيادة 25 ريال. والأسعار نهائية، وما يُضاف عليها ضريبة قيمة مضافة لأننا غير مسجلين فيها حالياً.

ستاند تقييم قوقل ينفع لأي نشاط، ويجي ضمن باقاتنا.

اللي ما نسويه

  • ما ناخذ عمولة على طلباتك، ولا نستلم فلوس ضيوفك.
  • ما نطلب من ضيفك اسمه ولا رقمه.
  • ما نطلب تقييم بمقابل، ولا من الراضين بس.

الأسئلة

هل تاخذون عمولة على الطلبات؟

لا. تدفع اشتراك شهري حسب عدد طاولاتك، ورسوم تأسيس مرة وحدة، وما ناخذ أي عمولة على طلباتك.

كيف يدفع الضيف؟

عند الكاشير أو مع النادل مثل العادة، وصفحة الطلب ما فيها دفع. مطعمك هو البائع: الأسعار والفاتورة والدفع عندك، وإحنا نوفر الأداة.

وش الجهاز اللي أحتاجه؟

تابلت أو جوال من عندك، ومعه إنترنت. شاشة الطلبات تنفتح في المتصفح، وتخليها شغالة ومتصلة وقت الدوام.

هل ضيفي يحتاج تطبيق؟

لا، الصفحة تنفتح في متصفح جواله. آيفون XS وأحدث يقرأ الشريحة بدون تطبيق. وأندرويد يقرأها لما يكون NFC شغال والشاشة مفتوحة. وفي أغلب جوالات أندرويد الجديدة يطلع له تنبيه يضغط عليه عشان ينفتح الرابط.

وش تشمل التجربة، وهل أدفع شي فيها؟

تشمل تجهيز المنيو مرة وحدة، وستاندات مؤقتة مرقّمة بشعار محلك لين 15 طاولة، وشاشة الموظفين على جهازك، والتركيب وتدريب موظفينك. ما تدفع شي فيها ولا تلتزم، ولو ما كمّلت نشيل الستاندات بدون رسوم.

أقدر ألغي الاشتراك؟

إيه، متى ما تبغى، برسالة على الواتساب. والخدمة توقف آخر الشهر المدفوع. رسوم التأسيس ترجع كاملة لو ألغيت قبل ما نسلمك التأسيس، وبعد التسليم ما ترجع. والستاندات والشرائح ملكنا: نمر ناخذها بدون رسوم داخل جدة، أو تحتفظ فيها بسعر رمزي، خلال 14 يوم من آخر يوم خدمة.

أسئلة أكثر
وش لو جواله ما قرأ الشريحة؟

يمسح الباركود اللي جنبها، ويفتح نفس الصفحة. والآيفون ما يقرأ الشريحة والكاميرا أو المحفظة مفتوحة، أو وهو على وضع الطيران.

أقدر أغيّر المنيو أو الأسعار بعدين؟

إيه. ترسل لنا التعديل على واتساب، ونحدّث المنيو بعد موافقتك الكتابية على الأسعار. التحديث مرتين بالشهر مشمول، والزيادة 25 ريال للتحديث. وزر «خلص» في شاشة الموظفين يخفي الصنف من صفحة الطلب على طول، وما ينحسب تحديث.

مين يركّب، ووين؟

إحنا نركّب بنفسنا، وحالياً في جدة بس، ونجرّب كل شريحة قبل التسليم.

متى تركّبون عندي بعد ما أشترك؟

خلال 15 يوم من دفع رسوم التأسيس.

وش لو تعطلت الشريحة؟

نرد على بلاغك عادةً خلال ساعة، 24 ساعة، 7 أيام بالأسبوع. ونبدلها مجاناً خلال 5 أيام عمل، إذا ما كان العطل من سوء استخدام.

هل ستاند التقييم يجيب لي تقييمات أكثر؟

ما نوعد بعدد. الستاند يسهّل على ضيوفك يوصلون لصفحة تقييمك. ويطلب التقييم من الكل بدون أي مقابل، حسب سياسة قوقل.

تبغى تكلّم أحد منا؟

نرد عليك عادةً خلال ساعة، 24 ساعة، 7 أيام بالأسبوع.

رقم التواصل على واتساب ينضاف قريباً.

جرّبها أسبوعين في محلك، ببلاش.

اضغط، وينفتح واتساب برسالة جاهزة. كمّل فيها اسم محلك والحي وعدد الطاولات، ونرتب معك التجربة.