انتقل للمحتوى
لوحة بشعار لمسة تاب على جدار جنب باب شقة

ضيفك ما يحتاج
رقمك.

الواي فاي ووقت الخروج وبلاغ الصيانة، في دليل يفتحه بلمسة جوال داخل الوحدة.

من الترخيص لأول ضيف.

  1. قبل الترخيص

    قائمة الترخيص المجانية، وزيارة «جاهز للترخيص» تفحص وحدتك مقابل القائمة وترتّب ملفك.

    افتح القائمة
  2. التجهيز

    الباقة المطبوعة: إطار الترخيص، والملصقات، وستاند الطوارئ.

    الباقة المطبوعة
  3. أثناء الإقامة

    دليل الضيف يرد عنك: الواي فاي والشروط وبلاغ الصيانة، بلمسة جوال.

    جرّب الدليل
  4. بعد الخروج

    زر «تم الخروج» برسالة واتساب لنا، ونظافة بعد الخروج قريباً.

    باقة المضيف

جهّز وحدتك للترخيص.

تبغى ترخيص، أو تحوّل تصريحك القديم؟ نزور وحدتك، ونطلّع النواقص، ونرتّب ملفك، وأنت تقدّم بنفسك من حسابك.

مجانيةقائمة الترخيصعلّم البنود، واطبعها، واحسب مهلة تصريحك القديم.
الباقة المطبوعة على جدار رملي: إطار الترخيص A4 وجنبه بطاقة دليل الضيف بباركود، وملصقات اتجاه القبلة وترشيد الماء وترشيد الكهرباء وممنوع التدخين ومكان الطفاية، وستاند أرقام الطوارئ (911 و997 و998 و999) على رف
الصورة توضيحية.

جاهز للترخيص

فحص حالة الوحدة مقابل القائمة، وتصوير، وترتيب ملف، وتركيب مطبوعات.

السعر قريباً

  • زيارة فحص 30 إلى 45 دقيقة على قائمة الترخيص
  • تقرير النواقص في صفحة وحدة خلال 24 ساعة عادةً، وبحد أقصى 3 أيام عمل: لكل بند تمام أو ناقص أو ما ينطبق
  • صور الوحدة بالجوال، مرتبة في ملف واحد
  • ملف التقديم: المستندات اللي تحتاجها، وبياناتك بنفس ترتيب الطلب
  • الباقة المطبوعة، نركّبها بنفس الزيارة

الباقة المطبوعة

السعر قريباً

  • إطار الترخيص: حامل حائط A4 يبرز ترخيصك داخل الوحدة، وللمشترك بطاقة QR لدليل الضيف جنبه
  • ملصقات بالعربي والإنجليزي: القبلة، وترشيد الماء، وترشيد الكهرباء، وممنوع التدخين، ومكان الطفاية
  • ستاند الطوارئ: 911 و997 و998 و999، بدون رقمك

الترخيص نفسه تطبعه وتحطه في الإطار، أو ترسله لنا ونطبعه لك ببلاش مع أقرب مرور، ونحذف نسخته من عندنا خلال 30 يوم من التسليم.

  • أنت تقدّم طلبك بنفسك من حسابك في Tourism.sa. إحنا نجهّزك، وما نقدّم عنك ولا ندخل بحسابك.
  • ما نضمن قبول الترخيص. القرار للوزارة بس.
  • رسوم الوزارة (1,100 ريال للترخيص، و500 ريال لكل زيارة معاينة بعد أول زيارتين) مو داخلة في سعرنا، وتدفعها للوزارة مباشرة.
  • الزيارة داخل جدة بس.
  • الملصقات اختيارية، ومو من شروط الترخيص.

تدفع بعد الزيارة واستلام تقرير النواقص، بتحويل لحساب المنشأة، ونرسل لك فاتورة.

نحتاج بس اسمك الأول، وجوال للتنسيق، وموقع الوحدة للزيارة. ما نصوّر هويتك ولا صكك ولا عقدك. الموقع نحذفه بعد الزيارة، والصور والملف نسلّمها لك ونحذف نسختنا خلال 30 يوم من التسليم.

جرّبه كأنك ضيف.

مثال وهمي لشقة، ينفتح زي ما ينفتح عند ضيفك.

افتح دليل تجريبي جرّب مختبر اللمسة: قرّب الجوال وشوف

ضيفك يقرّب جواله من الشريحة، وينفتح الدليل.

كل ضيف، نفس الأسئلة؟

  • ضيفك يسألك عن كلمة الواي فاي الساعة 2 الفجر؟

  • ضيفك يطلع، وما يقول لأحد؟

  • ما تبغى رقمك عند كل ضيف؟

الدليل يرد عنك. حتى الساعة 2 الفجر.

  1. قبل ما يوصل ضيفك

    نكتب الدليل من معلوماتك، ونركّب الشريحة والباركود داخل الوحدة.

  2. أثناء الإقامة

    يلقى الواي فاي بزر نسخ، والتكييف والشروط وأرقام الطوارئ. ولو صار عطل، يرسل لنا بلاغ صيانة على واتساب.

  3. عند الخروج

    يشوف وقت الخروج وخطواته، وزر «تم الخروج» يفتح له رسالة واتساب جاهزة لنا.

كم تدفع عن وحداتك؟

باقة المضيف بسعر للوحدة. نجهّز الدليل بهويتك ونركّبه داخل كل وحدة.

كم وحدة عندك؟

سعر الوحدة حسب عدد الوحدات
الوحداتشهري للوحدةسنوي للوحدة
1 إلى 449.5 ريال544.5 ريال
5 أو أكثر39.5 ريال434.5 ريال

الشهري بالتزام 6 أشهر، والسنوي بسعر 11 شهر. سعر 5 وحدات أو أكثر على كل وحداتك. للمضيف المرخّص من وزارة السياحة.

كل وحدة فيها

  • دليل الضيف: الواي فاي، والتكييف، والشروط، والعنوان
  • «تم الخروج» و«بلاغ صيانة» برسالة واتساب لنا
  • رابط تقييم في الدليل
  • رقمك ما يظهر للضيف
  • شريحة الوحدة وملصق الباركود، باسمك أو شعارك
  • جرّبها أسبوعين مجاناً
  • بدون دفع ولا التزام في التجربة
  • العتاد والتركيب علينا طول الاشتراك
  • نركّب في جدة

نرد عادةً خلال ساعة على الواتساب، 24 ساعة، 7 أيام بالأسبوع

نظافة بعد الخروج

قريباً

شركة نظافة نرتّبها بعد كل خروج، وأنت تبقى المضيف وتستلم فلوسك من المنصة.

على باب الوحدة من الداخل، بشعارك.

الإقامة الذكية

جديد

دليل لضيفك، وتنبيه لما يضغط زر الخروج.

قفل ذكي (اختياري) نركّبه بطلبك، بعد ما نشوف بابك. حالياً في جدة. شوف مثال «افتح الباب»

جرّبها أسبوعين ببلاش: الدليل واللوحة وتنبيه الخروج. والقفل اختياري، ونركّبه بطلبك بعد ما تشترك.

ابدأ من الصفر

عندك شقة جديدة؟ نجهزها لك، وأنت تنزّلها باسمك.

السعر قريباً

  • نجهّز الدليل والشرائح واللوحة
  • تصوير احترافي لشقتك
  • أنت تنزّل إعلانها باسمك في منصات الحجز
  • بعدها تختار باقتك

الدفع والتواصل مع ضيفك يبقون عندك.

اللي ما نسويه

  • ما نطلّع رقمك ولا رقم العاملة للضيف.
  • ما نشارك رقم ضيفك مع أحد.
  • ما نسحب ضيفك للحجز أو الدفع برا المنصة.

الأسئلة

هل ضيفي يحتاج تطبيق؟

لا، الصفحة تنفتح في متصفح جواله. آيفون XS وأحدث يقرأ الشريحة بدون تطبيق. وأندرويد يقرأها لما يكون NFC شغال والشاشة مفتوحة. وفي أغلب جوالات أندرويد الجديدة يطلع له تنبيه يضغط عليه عشان ينفتح الرابط.

هل رقمي أو رقم العاملة يطلع للضيف؟

لا، أبداً. رسايل «تم الخروج» و«بلاغ صيانة» توصلنا إحنا من جوال الضيف. ورقمك ما يطلع في الصفحة ولا في الرسالة.

وش تشمل التجربة، وهل أدفع شي مقدم؟

نجهّز الدليل ونركّب العتاد في وحدة وحدة، وتجرّبها أسبوعين ببلاش. بدون دفع مقدم ولا التزام فيها، ولو ما كمّلت نشيل العتاد.

تقدّمون عني؟

لا. أنت تقدّم بنفسك من حسابك في Tourism.sa، وما ندخل بحسابك أبداً. إحنا نزور وحدتك، ونطلّع النواقص، ونرتّب لك الصور والمستندات وبيانات الطلب، عشان يكون تقديمك سهل وكامل.

أنا مستأجر، أقدر أطلع ترخيص؟

ممكن، لو أنت سعودي، وعندك عقد إيجار إلكتروني، والمؤجر يسمح بالتأجير من الباطن، ومدة عقدك الباقية تغطي مدة الترخيص، وتنطبق عليك باقي الشروط في القائمة. والمستأجر غير السعودي ما يقدر. التفاصيل في قائمة الترخيص.

عندي تصريح قديم، وش أسوي؟

تحوّله لترخيص بدون رسوم، وتاريخ سريانه ما يتغير. المهلة تقريباً لين 9 ديسمبر 2026، أو قبلها لو تصريحك ينتهي قبل. احسب آخر يوم.

أسئلة أكثر
وش لو جواله ما قرأ الشريحة؟

يمسح الباركود اللي جنبها، ويفتح نفس الصفحة. والآيفون ما يقرأ الشريحة والكاميرا أو المحفظة مفتوحة، أو وهو على وضع الطيران.

أقدر أغيّر كلمة الواي فاي أو الشروط بعدين؟

إيه. ترسل لنا التعديل على واتساب، ونغيّره من عندنا بدون ما نرجع للوحدة. والشريحة نفسها ما تتغير.

مين يركّب، ووين؟

إحنا نركّب بنفسنا، وحالياً في جدة بس. والتركيب علينا، ونجرّب كل شريحة قبل التسليم.

كيف يصير التجديد؟

ما يتجدد إلا بتأكيد صريح منك. ونذكّرك قبل التجديد بـ 7 أيام للشهري، و30 يوم للسنوي.

وش لو تعطلت الشريحة؟

نرد على بلاغك عادةً خلال ساعة، 24 ساعة، 7 أيام بالأسبوع. ونبدلها مجاناً خلال 5 أيام عمل، إذا ما كان العطل من سوء استخدام.

كم رسوم الوزارة؟

رسوم الوزارة (1,100 ريال للترخيص، و500 ريال لكل زيارة معاينة بعد أول زيارتين) مو داخلة في سعرنا، وتدفعها للوزارة مباشرة.

تبغى تكلّم أحد منا؟

نرد عليك عادةً خلال ساعة، 24 ساعة، 7 أيام بالأسبوع.

رقم التواصل على واتساب ينضاف قريباً.

أسبوعين في وحدتك، ببلاش.

اضغط، وينفتح واتساب برسالة جاهزة. كمّل فيها كم وحدة عندك والحي، ونرتب معك التجربة.

ما عندك ترخيص؟ قائمة الترخيص مجانية.